Do you know what is Islam?

Hi, how are you? Do you know what is Islam?
Join us in a private chat at: eDialogue-org
Thank you for your time!

ماذا تفعل المرأة ان دعيت لعرس غير اسلامي

النساء في الأفراح وكأنها تعيش بغربة والشيخ مشهور حفظه الله يوضح هنا ما يجب على المرأة فعله في هذه الحفلات وأن اجتماع أهل الخير مع بعضهم يلغي المنكر وللشيطان صولة وللحق جولات
 والله المستعان

7 فوائد جميلة جليلة

فوائد من كتاب الواضح لمختصر الخرقي

الفوائد العلمية من كتاب الواضح في مختصر الخرقي

وإليكم هذه الفوائد الجميلة الفريدة

1- (ولا يقبل قولا وعملا ونية إلا بإصابة السنة )  قلت: وهذا فيه رد على من يقول بوجود البدعة الحسنة!

2- ((وإن خاف على رفيقه أو رقيقه أو بهائمه فهو كما لو خاف على نفسه لأن حرمة رفيقه ورقيقه كحرمة نفسه والخائف على بهائمه خائف من ضياع ماله)) قلت وهذا فيه ان بعض احكام الخواف التي تنطبق عليه تنطبق  على الخوف على الرفقاء او بهائمه

3- (الصحابة مسحوا على الجوارب ولم يظهر لهم مخالف في عصرهم فكان إجماعا)

4-((وروي عن الامام أحمد أنه قال : لا بأس أن تشرب المرأة دواء يقطع عنها الحيض اذا كان دواء معروفا))

5- ((من نام وهو يصلي فتكلم فقد توقف الامام احمد عن الجواب فيه)) قلت أنظر لورعه خشي ان يفتي في رجل نام وهو يصلي ثم اصبح يتكلم لان التقوى ان تقول لا اعلم حيث لا تعلم

6- ((ويستحب أن يكون المنبر عن يمين القبلة لان النبي عليه الصلاة والسلام هكذا صنع))

7- حكم بيوت العزاء ((وأما صنيع أهل الميت طعاما للناس فمكروه لأن فيه زيادة على مصيبتهم وشغلا الى شغلهم  وتشبيها بصنع أهل الجاهلية وروي ((أن جريرا وفد على عمر فقال : هل يناح على ميتكم قال لا .فقال فهل يجتمعون عند أهل الميت ويجعلون الطعام قال نعم قال ذلك النوح .
وان دعت الحاجة الى ذلك جاز فانه ربما جاءهم من يحضر ميتهم من القرى والاماكن البعيدة ويبيت عندهم فلا يمكنهم ان لا يضيفوه))

جمعه وانتقاه
أبو تميم
يزن الكلوب

وظيفة كبسات الكندشن بالمركبات

#الحلقة175533677من_مسلسل_متفتيش
#وظيفة_كبسات_الكندشن
#بوست_للفائدة

نظرا للافتاءات المتكررة جبنالكم وظيفة كل كبسة من كبسات الموجودة للتحكم بالكندشن والتدفئة من كاتلوج السيارة للجيل الثالث :

1.للتحكم بدرجة حرارة الكندشن حامي/بارد.
2.بتبينلك درجة الحرارة التي تم ضبطها (الامريكي F والاوروبي C).
3.اماكن خروج الهواء التر تم ضبطها.
*مؤشر OUTSID درجه الحرارة الخارجية (الامريكي F والاوروبي C).
4.مؤش ببين قوة مروحة الهواء الخارج في الغرفة.
5.لضبط قوة الهواء الخارج في الغرفة.
6.لتشغيل الهواء على الزجاج الامامي لازالة تكثف البخار عن الزجاج .
* كبسة REAR لتشغيل التدفئة الحرارة على الزجاج الخلفي والمري الجانبية لمنع الضباب عن الزجاج.
7.لتشغيل المكيف .
8.لتنقية هواء الغرفة من الروائح والبكتيريا وبتطفي تلقائيا بعد دقائق.
9.للتحكم بمخارج الهواء داخل الغرفة.
10. للتحكم باستخدام الهواء الداخلي او من الخارج.
11.لضبط عمل الكندشن اتوماتيك.
12..لاطفاء الكندشن حامي/بارد.

Sari Hadhoud الكاتب

وظيفة ال (a/c ) على المفتاح

#معلومة#بانوراما#كبسةA/C
#خلايا_شمسية

بوصلنا كثير استفسارات عن موضوع اضافة البانوراما وكبسة A/C الي على المفتاح وشو وظيفتهم وكيف بشتغلو.
البريوس البانوراما اجا فيها اضافة الفتحة + خلايا شمسية + كبسة A/C على الريموت + كبسة مراوح بجانب الستيرنغ على الشمال.

#اولا بالنسبة لكبسة ال A/C الي على الريموت :
_ وظيفتها تشغيل التكييف في السيارة (البانوراما)  عن بعد وذلك بالضغط على الكبسة بشكل متواصل لثواني.
_بشتغل التكييف في السيارة لمدة 3 دقائق او فتح باب السيارة ايهما اسبق.
 _لازم عشان تشتغل تكون بطارية الهايبرد مشحونة (مش فاضية ) ولازم تكون درجة حرارة الغرفة اعلى من درجة الحرارة المضبوطة في التكييف وما بتشتغل في الشتاء لانو وظيفتها التبريد وليس التدفئة.
_ وظيفتها تشغيل التكييف في السيارة (البانوراما)  عن بعد وذلك بالضغط على الكبسة بشكل متواصل لثواني. _بشتغل التكييف في السيارة لمدة 3 دقائق او فتح باب السيارة ايهما اسبق.  _لازم عشان تشتغل تكون بطارية الهايبرد مشحونة (مش فاضية ) ولازم تكون درجة حرارة الغرفة اعلى من درجة الحرارة المضبوطة في التكييف وما بتشتغل في الشتاء لانو وظيفتها التبريد وليس التدفئة.

* لو سيارتي مش بانوراما ومعي مفتاح عليه كبسة A/C بتزبط ؟؟؟

الاجابة : للاسف لا هاي الاضافة موجودة للبانوراما و ال Plug Inn فقط.

* ليش بتشتغل لمدة 3 دقائق فقط؟؟؟

الاجابة : عشان اذا كبست على ال A/CC بالغلط او انسيت انك كبستها واشتغل التكييف في السيارة ما تفضى بطارية الهايبرد على الفاضي و3 دقائق فترة كافية لتلطيف غرفة السيارة قبل ما تدخل فيها.

#بالنسبة للخلايا الشمسية :
 الخلايا الشمسية وظيفتها فقط تزويد مراوح الغرفة بالطاقة اللازمة للعمل في حال الاصطفاف تحت اشعة الشمس لتجديد هواء الغرفة ومنع الضغط وارتفاع درجة حرارة الغرفة في الصيف   الخلايا الشمسية وظيفتها فقط تزويد مراوح الغرفة بالطاقة اللازمة للعمل في حال الاصطفاف تحت اشعة الشمس لتجديد هواء الغرفة ومنع الضغط وارتفاع درجة حرارة الغرفة في الصيف #بشرط تكون مفعل كبسة المراوح بجانب الستيرنغ على الشمال.


 والخلايا ما الها علاقة ابدا بشحن بطارية الهايبرد .

‏Sari Hadhoud‏  الكاتب
 

طريقة فحص زيت السيارة

‏ ‏ 

موضوع مهم ونصيحة،،

قبل ما تحكم انه سيارتك بنقص زيتها لازم توخذ بالاعتبار عدة امور:
- اول شيء هل انت بتفحص مستوى الزيت في المحرك بشكل صحيح؟

لما بدك تشوف مستوى الزيت بسيارتك:
* لازم تكون السيارة على أرض مستوية ما فيها ميلان
* السيارة لازم تكون مطفية على الاقل 5 دقائق قبل ما تفحصها
* الاهم مستوى الزيت بينفحص لما يكون المحرك ضمن درجة الحرارة اللي بيعمل فيها ( operating temperature )، وما بيزبط تنفحص والمحرك بارد. هذه النقطة مهمة كثير لأنه لما يكون المحرك بارد او اله فترة ما تحرك، الزيت وبالذات الزيوت الخفيفة بتنزل بسرعة للاسفل غير انه الزيوت المعدنية بشكل عام بتتقلص مع البرودة وبتتمدد مع الحرارة. جرب بنفسك، افحص الزيت والمحرك بارد رح تلاقيه ناقص، ارجع شغله شوي واطفيه وافحصها بعد 5 دقائق رح تلاقي مستوى الزيت ارتفع.

- اذا ثبت انه عندك نقصان في مستوى الزيت لازم توخذ بعين الاعتبار هذه النقاط:
* نقصان الزيت بيعتمد على درجة لزوجة الزيت وجودته وطريقة قيادتك للسيارة
* بعض انماط القيادة بتزيد استهلاك الزيت مثل القيادة بسرعات عالية والتسارع والتباطؤ المتكرر
* المحرك الجديد بينقص زيته أكثر
* الحد الاقصى لاستهلاك الزيت الطبيعي هو 1 ليتر لكل 1000 كيلو متر. اكثر من ذلك يعني انه في عندك مشكلة ولازم تعالجها.
* طبعا هذا لا يعني انه كل السيارات لازم ينقص زيتها لهذا الحد، في سيارات ما بينقص زيتها بالمرة لانه مثل ما حكيت في عوامل بتزيد نقصان الزيت واستهلاكه وبتختلف من سيارة لأخرى
* هون لازم نحكي نقطة مهمة، تويوتا برغم كل هذه العوامل طلبت من المستخدمين استعمال زيت 0w20 بغض النظر عن درجات الحرارة ونمط القيادة مع علمها انه ممكن يزيد نقصان الزيت

- متى لازم تضيف زيت للسيارة؟
* السيخ عليه علامتين، الاولى اللي فوق، معناها ان الزيت full والثانية اللي تحت ومعناها ان الزيت low
* بين ال full وال low ليتر ونص (1.5) وبتقدر تقدر كم ناقص عندك الزيت بناء على ذلك
* اضافة الزيت يجب ان تكون من نفس درجة اللزوجة والنوع
* تويوتا بتطلب منك زيادة زيت المحرك في حال كان المؤشر تحت ال low او قريب منه، يعني لو مؤشر الزيت بالنص بين الfull و ال low لا تزيد الزيت.

طبعا هذه المعلومات بخصوص تويوتا بريوس الجيل الثال

Bilal H. Abuzaied الكاتب

الزيت المناسب للجيل الثاني والجيل الثالث

شباب بخصوص موضوع الزيت ما غيره... هذا الكلام النهائي من كتالوج البريوس.

قبل ما حدا يسأل, هذا الكلام يسري على بريوس 2010 وفوق, 
الموديلات 2004-2009 نفس الكلام بس لعيار 5--30

الكاتب : أبو سعود‏ 

حــــــقـــك ... أمور بسيطة يجب الإنتباه لها عند شراء البريوس

  

الأشياء اللي بدي احكي عنها هي شغلات بسيطة و المفروض إنها تكون مع كل سيارة و لكن  للأسف معظم تجارنا إلا من رحم ربي بلفوها بالحرة أو بعد فحص السيارة و بالمحصلة بتلاقي نفسك مجبر على دفع مبالغ إضافية هي بالأساس حقك إنها تكون مع السيارة أو إنو التاجر يخصملك ثمنها من السعر المطلوب :

1- برداية الصندوق الخلفي :

سعرها بالمعدل حوالي 800 دنيار ، إحرص على إنها تكون مع السيارة لأنه رح تتغلب عشان تلاقيها و وجودها للي معه أشياء بالصندوق مهم للحماية من السرقة و أشعة الشمس.

2 - الكوشوك و طاسات الجنط :

 مشكلة تبديل الكوشوك عند التجار مش شغلة جديدة و لكل السيارات مش بس للبريوس و معظم السيارات اللي بتجي للبلد و خصوصاً الأمريكي بكون الكوشوك مغير جديد في بلادها و بتم تبديله عندنا بنوعيات رديئة أو ميبسة و قديمة و ممكن يكسروا الحساسات بالنسبة للأمريكي خلال التبديل ، و بعرف ناس تم تبديل الكوشوك لسيارتهم ليلة التنازل ! و اضطروا يدفعوا 250 دينار بالمعدل لشئ أساسي و من حقهم بالسيارة , و الطاسات كمان سعرهم حوالي 80 دينار الطقم إنت أولى فيهم .

3- الريموت الثاني :

 هذا الموضوع حساس شوي ، لأنه الريموتات الإحتياط بتنسحب من السيارة قبل ما توصل الأردن ، بس إذا سيارتك وارد أوروبي تنّح ع الريموت الثاني لعدم توفره على الغالب.

4- بطارية الـ12 فولت :

 ممكن تكون شغلة جديدة للي ما بعرف شئ عن البريوس ، لكن تبديل البطارية الصغيرة اللي بالدبة بوحدة تعبانة شغلة منتشرة للأسف خصوصاً لما يكون الزبون غشيم أو بنت O_O .. التشييك عليها مهم عشان ما بتسوى بهدلة القطعة و الشحن من سيارات الغير.

5- الأرضيات و سجادة الصندوق الخلفي :

 هاي برضوا من الشغلات اللي بتغادر السيارة قبل وصولها للمعرض و يتم استبدالها بأرضيات بلاستيك أو لسيارات ثانية أو بألوان مختلفة ، و سجادة الصندوق الخلفي فالوضع العادي إنها مسروقة :)

6- الأضوية الامامية :

 لأنه الكل بشتري سيارته بالنهار فآخر شئ بخطر بباله إنه يشيك ع الأضوية فبلاقي حاله أول ليلة سواقة ملزق وجهه بالزجاج الأمامي عشان يشوف بالليل و بتكلف مبلغ إضافي عشان يركب لمبات جديدة و خصوصاً سيارات السالفج.
و ملاحظة عالسريع لسيارات 2012+ وارد امريكي و هي بـ999% منها سالفج إنه أضوية الـ DRL أو كشافات الليد ما بتكون شغالة لأنه توصيل جدلتها بعد التصليح صعبة شوي .. (أضوية الـ DRL مش كشافات).

7- جك الجيبة الداخلية :

الفترة الماضية شفت كثير سيارات مشيولة منها هاي القطعة ، ما بعرف السبب بس بتسوى إنه يتشيك عليها عشان ما تكسر ركب اللي راكب جنبك لما يفنح الجيبة.

و سلامتكم

Muhammad Abu Awad

تغيير زيت الجير للبريوس

صباح الخير,

ردا على موضوع تغيير زيت الجير,


وهل هو لازم يتغير كل فترة ولا لأ؟؟؟

الخلاصة:
تويوتا ما بحكو انه لازم يتغير, بحكو فقط انه لازم يتشيك عليه واذا احتاج تغيير بتغير,



يعني مش محددين مسافة لتغيير ولا على اي مرحلة صيانة

هذا الكلام مصدره الكتالوج والأيميل المرفق من الاخ 
Ahmad M. Abu Jaber

وبكرة بيجي حدا بنزل بوست:
مرحبا, كل قديش لازم اغير زيت الجير

قروب
Prius club - Jordan, 

القول الفصل في بريك البريوس الجيل الثالث

القول الفصل في بريك البريوس الجيل الثالث
========================
 الوارد الأمريكي

الشركة المصنعة : Advics
المنشأ : ولاية إنديانا - الولايات المتحدة الأمريكية
معامل التحمل الحراري : 910
اللون : أخضر محفور عليه شعار تويوتا و كلمة advics  حسب الصور المرفقة (قمت بشرائها من أمريكا لسيارتي)
 الأصوات : بسبب التحمل الحراري المتوسط فالأصوات بسبب الإحنكاك شبه معدومة.

===========

الوارد الأوروبي

الشركة المصنعة : Textar
المنشأ : ليفركوزن- ألمانيا
معامل التحمل الحراري : 1270 (أعلى معامل تحمل حراري حسب المقاييس الأوربية)
اللون : أسود محفور عليه شعار تويوتا و كلمة textar حسب الصورة المرفقة
 الأصوات : بسبب التحمل الحراري العالي فالأصوات بسبب الإحنكاك واردة خلال مسافات الإستخدام الأولى.
=====
 شوية فلسفة ع السريع :

-العلاقة بين معامل التحمل الحراري و عمر البريكات علاقة طردية.
 - الإتحاد الأوروبي يعتمد تحمل البريكات للإحتكاك و الحرارة لإعتماد المركبة في الأسواق الاوروبية.
- كلما زاد معامل التحمل الحراري قلت التوصية  لإستخدامه على الطرق الخارجية و السرعات العالية7* الحكي اللي فوق كله مش من عندي بس هذول النوعين اللي أجوا ع التويوتا من مصانعها و وراحوا لكل بلد حسب المواصفات اللي فيه

Muhammad Abu Awadالكاتب .

أنواع الزجاج الخاص بتويوتا بريوس

لاحظت أن الأعضاء يسألون أحيانا عن أفضل نوع زجاج للبريوس

 من خلال خبرتي في هذا المجال فإن أفضل نوعية زجاج بعد الياباني ( الياباني غير متوفر سوى في وكالة تويوتا وسعر مرتفع مقارنة بالأنواع الأخرى )
أقول ترتيبها كالتالي :

1- زجاج ماركة FY وهو زجاج صيني المنشأ ولكنه يضاهي تماما الزجاج الياباني إلا أن سعره مرتفع أيضا وغير متوفر بكثرة في السوق المحلي

2- زجاج ماركة XYG وهو أيضاً زجاج صيني المنشأ ويأتي مباشرة بعد ماركة FY
ويمتاز بجودة عالية جدا ودرجة نقاء عالية جداً إضافة إلى دقة القياس
سعره متدني كثيراً نظرا لجودته خاصة إذا ما قارناه مع سعر FY
ويعتبر مصنع هذه الماركة من أكبر ستة مصانع في العالم
 يمتاز بوجود قاعدة المراة مثبتة على الزجاج من المصنع نفسه وهذا يعني تقليل المخاطرة من كسر الزجاج الأمامي أو حتى سقوط المرآة من مكانها بعد فترة بسيطة
* بخصوص الأشخاص الذين يعانون من سقوط مرآة الوسط عن الزجاج أقول :
اذا لم تكن قاعدة المرآة مثبته اصلا على الزجاج وهذه خدمة يوفرها زجاج XYG وزجاج FY فقط
 فأقول : يجب على صاحب محل الزجاج أن تتوفر لديه المادة الأمريكية الخاصة بتثبيت مرآة الوسط وهي تدعى LOCTITE
 فهذه هي المادة الوحيدة التي تصلح لتثبيت المرأه اما باقي المواد فهي لا تصلح بل إن معظمها يؤدي الى كسر الزجاج من مكان القاعدة

3- زجاج ماركة Dr GREICHE
مصري المنشأ
أقل جودة من زجاج FY و زجاج XYG
سعره مساو تقريباً أو يزيد عن زجاج XYG
يعاب عليه عدم وجود قاعدة المراة على الزجاج من المصنع
 كما يعاب عليه تلوينه الخفيف

الأنواع الرديئة تصنف كالتالي : وبدون ترتيب
زجاج ماركة SFG صيني المنشأ
زجاج ماركة DXG صيني المنشأ
زجاج ماركة MG مصري المنشأ
زجاج ماركة NFC أوNATIONAL FINLAND إماراتي المنشأ
زجاج ماركة TECHNO GLASS سعودي المنشأ
زجاج ماركة EACC مختوم ختم أصلي ويتم بيعه على أساس أنه أصلي أو بلجيكي وهو في الواقع صناعة محلية وللعلم فان في نهاية الختم حرفي JO للدلالة على أن الزجاج أردني المنشأ
زجاج ماركة SAFETY GLASS أو AMAN GLASS مصري المنشأ
زجاج ماركة EGY GLASSS مصري المنشأ

طبعاً كل الأنواع التي صنفت على أنها رديئة لا تقل في السعر عن الأنواع الجيدة التي ذكرت
بالنسبة للإخوة الذين يمتلكون سيارات بريوس وارد أوروبي فإن هناك خاصية في الزجاج الأمامي تسمى HUD طبعاً هذه الخاصية موجودة لعرض سرعة السيارة على الزجاج الأمامي وهذه النوعية غير متوفرة في السوق المحلي ربما في الوكالة فقط
فالزجاج المتوفر في السوق ليس به نظام آل HUD وأعتقد أن السبب أن هذه النوعية من الزجاج باهظة الثمن خاصة أن هذه الاضافة ليست ضرورية بحيث لا يستغنى عنها

 Khleel Mareeالكاتب

أنظمة القيادة

لكل الناس اللي بسالو عن وضعيات القيادة في بريوس الجيل الثالث

EV MODE, ECO MODE AND POWER MODE

رح احاول اشرح قدر الامكان كل وضعيه للقيادة والاماكن المناسبه لها وبناء عليها انت اختار  الافضل الك

-------------------------------------------
EV MODE:   هاي الوضعيه بتسمحلك انك تسوق بالكامل وبالاعتماد على البطاريه يعني بمعني اخر قيادة بالكامل على الكهرباء من دون استخدام البنزين نهائيا 
طبعا السرعه المسموحة للقياده على هاي الوضعيه لغايه 25ميل بالساعه تقريبا 400كيلو متر بساعه
وطبعا اذا كانت البطاريه وضعها ممتاز ومشحونه تقريبا بتمشي معك بحدود 8000 متر لغاية كيلو ونص تقريبا وفي حال انو البطاريه نزلت زيادة عن اللزوم او السرعه صارت اعلى من 40 كيلو او السيارة بحاجة للعزم نظام الـ
EV
رح يفصل مباشرة ويحولك لانظمة القيادة الثانيه

 -------------------------------------------

ECO MODE

 من افضل الانظمة لتوفير الوقود بنفس الوقت بعطيك القوة المناسبه اللي انت بتحتاجها للقيادة بشكل سهل ومن دون اي صعوبه على السيارة
 طبعا النظام يستخدم في حالة انه استخدام السيارة بسرعات متوسطه داخل المدن من دون القيادة بسرعات عاليه طبعا طريقة عمل هي بشكل الكتروني يتم تخفيف تدخيل الهواء بحيث انو تقل نسبه الاحتراق داخل المحرق و يتم تقليل استهلاك البنزين
وهاي الوضعيه طبعا بتخفف من كفاءة المكيف ايضا لتخفيف استهلاك البنزين
 وضعيه القيادة هاي من افضل وضعيات القيادة في حالة انك ما بدك تسرع او تطلع طرق خارجيه

 -------------------------------------------

POWER MODE

 من اقل وضعيات القيادة من حيث توفير الوقود بس بالمقابل بعطيك افضل واقوى اداء للسيارة طبعا يستخدم في حالة التسارع العالي وعلى الطرق الخارجيه
طبعا اليه العمل هي عكس اليه عمل الايكو مود
 بهاي الحالة يتم التحكم الكترونيا بكميه دخول الهواء حيث يتم زيادة دخول الهواء بحيث يؤدي على احتراق اعلى واسرع للوقود
 طبعا هاي وضعيه القيادة لما تقارنها باي سيارة ثانيه كمان حتلاقي انو في توفير يعني بتضل السيارة هايبرد مش فقط بنزين انما هي مثل ما وضحت انو كميه الهواء بتكون اعلى ويؤدي الى احتراق اعلى بالاضافه الى المساعده من ماتور الكهرباء.
 -------------------------------------------

بالاضافه انه هناك ووضعيه قيادة رابعه 

اللي هاي انك ما تختار اي من الوضعيات المذكورة اعلاه وهاي الوضعيه بتعطيك اداء ممتاز للسيارة وبامكانك ان تستخدمها في الطرق الخارجيه او الداخليه وبتعطيك اداء ممتاز للسيارة وكميه استهلاك وقود متوسطه بين الايكو موود والباور موود هاي الوضعيه من ناحيتي افضل الوضعيات

وللعلم جميع الوضعيات بتعتمد على طريقة القيادة وجودة الزيت المستخدم البنزين 

 يعني اذا حطيت ايكو موود ودايما داعس وسايق على سرعه اكيد وقتها رح يكون معدل الاستهلاك عندك عالي وطبعا نفس الكلام لجميع وضعيات القيادة

Ahmad Faroniya الكاتب :

إلغاء مانع الإنزلاق((وخاصة في الثلج))

السؤال الأعنف والبوست الأهم لهاي الفترة
مع انه موجود بالمثبت بس رح أعيده عشان ما حدا يرجع يسأل
 ويا ريت الكل يحفظ البوست عشان اذا علقت بالثلج ما تنعجق

كيف ألغي مانع الانزلاق
 للجيل الثاني والثالث

1. اطفي السيارة
2. اكبس مرتين عكبسة التشغيل POWER بدووون بريك
3. ادعس دعستين بنزين عالأخير
4. ادعس بريك وحول الجير لنيوترال N
5. ادعس دعستين بنزين للاخير
6. رجع الجير على P
7. ادعس دعستين بنزين عالاخير
8.ادعس بريك وشغل السيارة

رح تزمر السيارة ويطلعلك اشارة عالشاشة وصورة مانع الانزلاق

بكون مانع الانزلاق التغى وبرجع لحاله لما تطفي السيارة وتشغلها

هاي الحركة بتلزمك اذا علقت بالثلج لانه مانع الانزلاق بوقف العجال لما تفرك

باختصار مرة ثانية

كبستين تشغيل بدون بريك
دعستين بنزين عالاخير
بريك وغير الجير لنيوترال
دعستين بنزين عالاخير
ارجع للبارك
دعستين بنزين عالاخير
 شغل السيارة

للأوروبيين اذا ما زبطت ادعس 3 دعسات بدل دعستين كل مرة

ملاحظة:
الجروب مش فندق تفوت عليه بس لما توقع بمشكلة
حاول كل فترة وفترة شوف البوستات الجديدة والمهمة عشان تلاقي كل اشي بتحتاجه
ما رح ننزل اي بوست بسأل عن الغاء مانع الانزلاق بعد هذا البوست
 نعمل لأجلكم نأسف لازعاجكم

الكاتب : أبو سعود

أصوات القرقعة اللي بتطلع بالبريوس

الله يعطيكم العافية يا شباب.. بالنسبة لموضوع اصوات القرقعة الغريبة عجيبة اللي بتطلع بالبريوسات من جميع الجهات.. وبعد دراسة مطولة بالموضوع وجدت الاتي والحمدلله ما ضل عندي ولا صوت.. واللي عندو اشي زيادة بهالموضوع يفيدنا.. اول اشي تحتاج الي لزيق Double Face بتقدر تشتريه من اي مكان، انا شريته من الكارفور بدينار، وبدك مقص عشان ما يضل عندك زوائد من اللزيق عشان المنظر الجمالي.. راح انزل صور لأبرز المواقع في السيارة عشان تحط عليها اللزيق.. 

ملاحظة: يفضل تعمل هالحكي بعد الثلجة عشان يمسك اللزيق

اول اشي.. واهم اشي.. الصوت اللي جاي من ورا.. 
كثير من الناس بفكروه عجل السبير، ولكن بعد ثبيت العجل تبقى الاصوات موجودة..
الموضوع بالجلد الموجودة على باب الصندوق.. اربع جلد
ثنتين فوق وثنتين تحت.. انت بدك تحط دبل فيس على التحت فقط

انا جربت احط لزيق على الزاويتين.. بس بعد فترة رجعو فكو.. عشان هيك حطيت بس على زاوية وحدة .. زي الصورة

وبعد ما طق مخي من الاصوات اللي بتطلع حولي ومش عارف وين ساسها من راسها.. لقيت الحل.. طلع الصوت بالجحش الوسط

هاي الصورة جانبية للجحش.. هسة هون بدك تقص 3-4 لزقات وتحطهم فوق بعض بعدين تحشيهم محل ما السهم بالصورة.. لانو اول مرة جربت ووقع اللزيق جوا.. وقصة طويلة عريضة

هاد الصوت.. من اكثر الاصوات استفزازا بالسيارة.. الله وكيلك بطلع بدون معاد وبس تيجي تدور عليه بختفي اختفاء تام لمدة 3 ايام

هاي كمان الجهة الثانية للجيبة السفلية.. حاول تطعج الدبل فيس بحجم كبير شوي عشان ما يوقع اللزيق جوا

واخيرا الصوت اللي بيجي من عند البطارية.. سهل جدا

ويا جماعة هاد الموضوع انفتح كثير.. بس لو ترجعوا لورا 

بالبوستات بتلاقوه.. بس حبيت اشرحه بالعربي للشباب.. والله ولي التوفيق

الكاتب Ala'a Adwan